Lacón con grelos e pementón agridoce: receita tradicional galega

O lacón con grelos é un dos pratos máis representativos da gastronomía galega. Sinxelo, contundente e cheo de sabor, é unha receita imprescindible nos meses de inverno e nas celebracións tradicionais. En O Graneiro de Amelia amosámosche como preparar este clásico da cociña galega paso a paso.

Tempo:
2,2 h

Racións:
4

Dificultade:
Baixa

Ingredientes para facer lacón con grelos

• Lacón salgado: 2 kg aproximadamente
• Grelos frescos:1 mollo
• Chourizos galegos: ao gusto
• Patacas: ao gusto
• Aceite de oliva virxe extra: 1 cullerada
• Pementón agridoce
• Perexil fresco (opcional)

Como desalgar o lacón correctamente

Antes de comezar coa receita é imprescindible desalgar o lacón para conseguir o punto xusto de sal:

1. Poñemos o lacón nun recipiente grande con abundante auga fría.
2. Déixase a remollo durante 48 horas, cambiando a auga cada 8 horas (aproximadamente 3 veces ao día).

Este paso é fundamental para lograr un lacón saboroso e equilibrado.

Preparación do lacón con grelos paso a paso

1. Unha vez desalgado, escorremos o lacón e poñémolo a cocer nunha tarteira grande con abundante auga limpa.
2. Cocemos durante unhas 2 horas a lume medio.
3. Cando estea tenro, retiramos o lacón da auga e reservámolo.
4. Na mesma auga de cocción, engadimos os chourizos e as patacas.
5. Pasados uns 20 minutos, incorporamos os grelos e deixamos cocer todo xunto entre 10 e 15 minutos máis, ata que estean no seu punto.

Presentación e toque final

Colocamos o lacón nunha fonte e as patacas, os chourizos e os grelos noutra. Engadimos un chorriño de aceite de oliva virxe extra e espolvoreamos pemento agridoce ao gusto. Podemos decorar cun pouco de perexil fresco.

Goza do auténtico sabor de Galicia

Este lacón con grelos tradicional é ideal para compartir en familia e acompañar cun bo pan galego. Empregando produtos de calidade, como os que atoparás en O Graneiro de Amelia, o resultado será un prato cheo de tradición e sabor.

Bo proveito!